ಕಲಿಕಾರ್ಥಿಗಳು ಕಲಿಕಾ ಅನುಭವಗಳನ್ನು ಹಂಚಿಕೊಳ್ಳಲು, ತಮ್ಮ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು, ಕಲಿಕೆಯಲ್ಲಿನ ಸಮಸ್ಯೆಗಳನ್ನು ನಿವಾರಿಸಿಕೊಳ್ಳಲು ಇರುವ ವ್ಯವಸ್ಥೆಯೇ ವೈಯಕ್ತಿಕ ಸಂಪರ್ಕ ತರಗತಿ ಕಾರ್ಯಕ್ರಮ.

ಪ್ರತಿ ವಿಷಯಕ್ಕೆ ಒಂದು ಗಂಟೆಯ 30 ಅವಧಿಯ/ಪಿರಿಡ್‍ಗಳಂತೆ 3 ತಿಂಗಳ ಅವಧಿಯಲ್ಲಿ ಸಾಮಾನ್ಯವಾಗಿ ಡಿಸೆಂಬರ್ ನಿಂದ ಮಾರ್ಚ್ ತಿಂಗಳುಗಳವರೆಗೆ ಪೂರ್ವನಿಗಧಿತ ವೇಳಾಪಟ್ಟಿಯಂತೆ ಶನಿವಾರ, ಭಾನುವಾರ ಹಾಗೂ ಸರ್ಕಾರಿ ರಜೆ ದಿನಗಳಂದು ವೈಯಕ್ತಿಕ ಸಂಪರ್ಕ ತರಗತಿ ಕಾರ್ಯಕ್ರಮಗಳನ್ನು ನಡೆಸಲಾಗುತ್ತದೆ.

2024-25ನೇ ಸಾಲಿನಿಂದ ಕೆಓಎಸ್ ಮೊಬೈಲ್ ಆಪ್ ಮೂಲಕ ಎಲ್ಲಾ ವಿಷಯಗಳಲ್ಲಿ ಪ್ರತೀ ಅಧ್ಯಾಯದ ಬೋಧನಾ ಅಂಶಗಳನ್ನು 2 ರಿಂದ 3 ಗಂಟೆಗಳ ಕಾಲಾವಧಿಯಲ್ಲಿ ಸಂಪನ್ಮೂಲ ಅರ್ಹ ಶಿಕ್ಷಕರಿಂದ ಆಡಿಯೋ, ವೀಡಿಯೋ ರೆಕಾರ್ಡ್ ಮಾಡಿ ಅದನ್ನು ಕೆಓಎಸ್ ಮೊಬೈಲ್‍ಆಪ್‍ನಲ್ಲಿ ಅಪ್‍ಲೋಡ್ ಮಾಡಿ ಪ್ರವೇಶ ಪಡೆದ ವಿದ್ಯಾರ್ಥಿಗಳಿಗೆ ಆನ್‍ಲೈನ್ ಲಿಂಕ್ ಒದಗಿಸಲಾಗುವುದು.

ಈ ಪ್ರಕ್ರಿಯೆಯಿಂದ ವಿದ್ಯಾರ್ಥಿಗಳು ವೈಯಕ್ತಿಕ ಸಂಪರ್ಕ ತರಗತಿಗೆ ಹಾಜರಾಗುವ ಬದಲು ಸ್ವತಃ ತನ್ನ ಬಿಡುವಿನ ವೇಳೆಯಲ್ಲಿ ಮೊಬೈಲ್ ಆಪ್ ಮೂಲಕ ಪಠ್ಯವಿಷಯ ಅಧ್ಯಯನ ಮಾಡಲು ಸದಾವಕಾಶ ಲಭ್ಯವಾಗುತ್ತದೆ.

• ವಿದ್ಯಾರ್ಥಿಗಳು ಪ್ರತಿ ವಿಷಯದ ಪಠ್ಯಕ್ರಮವನ್ನು ತಿಳಿದುಕೊಳ್ಳುವುದು
• ವಿದ್ಯಾರ್ಥಿಗಳು ಕಲಿಕಾ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು
• ಸಹಪಾಠಿಗಳೊಡನೆ ಸಂವಹನ ನಡೆಸಲು
• ಬೋಧಕರಿಂದ ಅಭ್ಯಾಸಕ್ರಮದ ಸಲಹೆ ಪಡೆಯಲು ಹಾಗೂ ಹೆಚ್ಚುವರಿ ಮಾಹಿತಿ ಸಂಗ್ರಹ ಮಾಡಲು
• ಪರೀಕ್ಷೆಗೆ ತಯಾರಿ ಹಾಗೂ ಪ್ರಯೋಗಾಲಯ ತರಬೇತಿಯ ಅನುಭವ ಪಡೆದುಕೊಳ್ಳಲು
• ಆಂತರಿಕ ಅಂಕ ನೀಡಲು, ಕಿರುಪರೀಕ್ಷೆ ನಡೆಸುವುದು ಹಾಗೂ ನಿಯೋಜನಾ ಕಾರ್ಯಕೈಗೊಳ್ಳುವುದು
ವಿದ್ಯಾರ್ಥಿಗಳು ತಮ್ಮ ಕಲಿಕಾ ಮಟ್ಟದ ಬಗ್ಗೆ ಸ್ವಮೌಲ್ಯಮಾಪನ ಮಾಡಿಕೊಳ್ಳಲು ಕಲಿಕಾಸಾಮಾಗ್ರಿ/ಪಠ್ಯಪುಸ್ತಕ ಸಂಪನ್ಮೂಲಗಳನ್ನು ಸೂಕ್ತ ಬಳಕೆ ಮಾಡಿಕೊಳ್ಳುವುದರಿಂದ ವೈಯಕ್ತಿಕ ಸಂಪರ್ಕ ಕಾರ್ಯಕ್ರಮ ಹಾಗೂ ಕೆಓಎಸ್ ಆಪ್ ಮೂಲಕ ಕಲಿಕಾರ್ಥಿಗಳ ಕಲಿಕೆ ಉಲ್ಲಾಸಕರವಾಗುತ್ತದೆ.